Meu Pai necesita Vacas, non a min

Déixovos un vídeo con distintas historias de nenas preadolescentes de Tanzania obrigadas a casarse (12, 13, 14 anos) porque é máis productivo para a familia ter vacas que telas a elas. Veredes distintos testemuños das nenas pero tamén dos seus pais, homes basicamente, pechando tratos coa familia da que será o seu marido. Actualmente parece ser que neste país, un casamento destas características  significaría 30 anos de prisión para aqueles que o permitisen, incluídos os pais de noiva. Nun momento do vídeo  veredes coma a persoa que fala coas familias para que deixen formarse as nenas, ir a escola a saber cousas,insisten en que desa forma máis adiante , as nenas, faranse cargo dos seus velliños. Serán as súas futuras coidadoras.

A Violencia Verbal contra a Muller

Déixovos o vídeo no que Alexandria Ocasio-Cortez responde ás "desculpas" que un político republicano fixo na Cámara de Representantes dos Estados Unidos cara a ela, despois de insultala seriamente, por un desacordo político.

O discurso de Ocasio-Cortez é brillante e deixa nun lugar patético, ao individuo chamado Yoho (congresista ao igual que ela), quen foi quen a insultou, pero tamén deixa clara e meridiana a cultura da impunidade existente na nosa sociedade que permite  que moitas mulleres teñan que soportar a violencia verbal e certos insultos proferidos polos homes cara elas, únicamente por ser mulleres.