Dia da Muller 2022

 

Vía Educación 3.0

Entroido 2020

Compañeiras

Emma Watson nas Nacións Unidas

 

Vía Loading Lives

Día da Muller 2016

Un ano máis chega o día 8 de marzo marcado no calendario como o día da Muller, a Muller en maiusculas, un día que pon o foco en máis da metade do planeta. Poderíamos falar aquí do "Empoderamento da muller", o "Empowerment" que se dí en inglés e resumir os principios para logralo. Este termo foi acuñado pola Conferencia Mundial das Mulleres en Beijing no ano 1995 para referirse ao incremento da nosa participación na toma de decisións e de poder. Se queredes leelo, premede na páxina da ONU que o explica: Aquí

Sen embargo, nós queremos facer fincapé noutra realidade máis palpable, máis clara, menos retórica, en principio, e entendemos máis aplicable aínda que non sabemos si de verdade   cambiará a vida dalgunha muller, aínda que sexa polo menos, nun "pequeno recuncho" de este o noso mundo, cheo de sete mil millóns de persoas ( 2011) das que así, grosso modo, a metade serían mulleres e nenas.  

Todo parte dunha estremecedora noticia dun xornal que afirma que 140 millóns de nenas e mulleres son mutiladas xenitalmente en todo o mundo según cifras de Amnistía Internacional.

A parte boa, en relación a esto é que Nixeria, en xunio do ano pasado, daba un paso adiante para penalizar esta aberrante práctica que se realiza sobre o corpo das nenas en 29 países do mundo. Nixeria o país maís poboado do continente africano realizou esta amputación a case 20 millóns.

Foto: Alejandro Vannuci

Pero esto non só ocorre en África, continente onde é moi común. Tamén ocorre en Latinoamérica e en zonas de Europa ( 500 mil víctimas). A pesar de que hai outros países africanos que teñen leis que condenan a ablación, unha vez máis a realidade é outra e a porcentaxe das mulleres ás que se lle practica segue sendo altísima. Exipto, Guinea, Kenia, Somalia e Djibouti son os lugares con máis mulleres xenitalmente amputadas do mundo. 

Por esta razón, hoxe adicamos esta entrada a esta tremenda realidade poñendo en positivo o paso dado polo goberno de Nixeria que ogallá  leve á práctica e que de verdade sirva  para anular esta terrible lacra que lastra a vida de millóns de seres humáns no mundo únicamente por ter nacido muller.

 Máis loita, máis visibilidade e sobre todo máis educación para recobrar a nosa dignidade como persoas. 

Para saber máis dous artigos do xornal " El País" que non podes deixar de ler: este e este

As imaxes foron extraídas de varias páxinas web coa única intención de ilustrar esta pequena entrada.

Día da Muller 2015

Fotografías de Oihana Marco 
Fonte 

Hoxe 8 de marzo é o día internacional da Muller. Pregúntome si esta data marcada no calendario sirve para algo, pregúntome si a sociedade é consciente de como vive a muller non só no noso mundo desenvolvido, senón tamén en mundos en vías de desenvolvemento onde a visibilidade da muller é nula. 

Non sei ata que punto a xente o ten presente no día a día. Non sei ata que punto este día fai reflexionar sobre a situación verdadeira da condición feminina que fai, por exemplo, que elas perciban salarios máis baixos polos mesmos traballos que os homes.

Hai situacións que non se poden crer a estas alturas da peli pero é así: países onde a violación dentro do matrimonio é legal,; países onde ás mulleres non lle é permitido conducir por non ser " asunto de mulleres" (?); países nos que para entrar na Universidade tes que facer un test de virxinidade ( ?); países nos que unha muller non pode aceptar un traballo sen o consentimento do marido; países nos que a mutilación xenital feminina é unha práctica  normal e consentida polas propias mulleres que son axentes activos nestas accións aberrantes; países nos que a violencia contra a muller está refrendada pola lei para "correxir malos actos das mulleres" (?) ou para que a muller "obedeza" aos seus maridos. ( 1)

Tremendo. Poderíamos facer referencia a máis cuestións sobre o mundo actual e o trato que recibe a muller. Creo que non fai falta. Unha mostra, un botón. Pero..... Por que se celebra o día 8 de marzo como o día internacional da Muller? Nesta pregunta non hai un consenso claro. Leín de todo. Pero o que máis se repite é un triste episodio con dúas datas diferentes pero que no fondo conta a mesma historia: a historia dunhas mulleres traballadoras nunha fábrica textil en calqueira lugar de Estados Unidos ( podería ser Nova York ou Chicago) que se declaran en folga. Uns dín que en 1908, outros que en 1911.

  Estas mulleres reivindicaban unha xornada laboral de... dez horas!!!!! , un salario igual que os homes (aínda estamos niso) e a non explotación dos nenos no traballo.Pecháronse na fábrica onde traballaban para cambiar as cousas. O patrón mandou prender lume para obligalas a sair, cousa que non fixeron. Todas morreron. Unhas calcinadas, outras suicidadas ao tirarse polas fiestras antes de sentir o lume nos seus corpos.

 Sexa como fora, este non é un día de risas. A loita continúa e aínda que, efectivamente, moito se ten avanzado sobre todo no noso mundo privilexiado, moito hai que cambiar nas mentes das xentes que incluso para celebrar o Día da Muller, e me consta que con boa fe, recorren a imaxes plagadas de estereotipos : que taladradas/os estamos coa imaxe de: entrega, compromiso, valor, tenrura, sensibilidade, dedicación e beleza que se supón debe ter a muller!!!!!!

Todos os días son 8 de marzo e neste empeño temos que marchar xuntos mulleres e homes, estes últimos ben preto de nós como incondicional apoio. Se non é así será imposible chegar ao momento no que todos, homes e mulleres, sexamos absolutamente iguais.

As imaxes desta entrada foron extraídas de varias páxinas web. Dou o link ao traballo fantástico de Oihana Marco.

Con respecto aos textos de referencia e onde podedes atopar máis sobre a historia deste día podería poñervos moitos, pero déixovos ao voso libre albedrío para que busquedes. Pola miña parte douvos dous referencias:

- Europapress (1)
- Wikipedia

8 de marzo- Día Internacional da Muller

Ben!................. Pero................... despóis de noventa anos de loita femenina para alcanzar a igualdade:

-Agora mesmo 800 mulleres morren durante o parto cada día.

- As mulleres continúan traballando en postos de menor responsabilidade

- As diferencias de salarios entre homes e mulleres é moi significativa

 

 A Little Ship of Dreams- Edgard Maxence

A ONU afirma que:

- Naqueles países onde hai máis igualdade de xénero hai un maior crecemento económico

- Que as empresas que teñen máis líderes mulleres teñén máis rendementos

- Que os acordos de paz onde están involucradas as mulleres teñen unha vixencia máis duradeira.

Tras a Cumbre do Milenio fai quince anos ou a Conferencia sobre a Muller de Beijing hai máis logros alcanzados. Según o periódico "La Voz de Galicia", de onde leo o texto para crear este outro pequeno, hai máis mulleres traballando, máis nenas que van a escola, menos que morren durante o parto e o embarazo, máis en postos de liderazgo............ Pero......... Por que teño a sensación de que non ten cambiado moito a nosa situación e máis en determinados países do mundo??????.  Creo, o non só eu, que segue sen haber igualdade real. 

 

 E finalmente......Vou ao periódico "El País" para leer un texto sobre as mulleres e.......... Que me atopo como anuncio á dereita do texto " Considerad si una mujer" escrito por Manuel Rivas???? 

Ana Juan

  Un anuncio de quitamanchas Ariel ????????????????????

  

 

- Por que falamos do 8 de marzo como Día da Muller?

- Cal foi o contexo no que xurde?

- Quen foi Clara Zetkin?

- Por que é interesante o día 8 de marzo de 1945?

- Que é a democracia paritaria? Cal é a túa opinión ao respecto de que exista?

Fonte: http://www.lavozdegalicia.es/noticia/informacion/2014/03/07/dia-mujer-2014-pleno-siglo-xxi-cerca-800-mujeres-mueren-durante-parto-dia/00031394180921399850767.htm

Distintos artigos do xornal " El País" sobre distintas situacións das mulleres no mundo e os problemas que teñen que enfrontar: 

- http://elpais.com/tag/dia_internacional_mujer_trabajadora/a/

- Máis fotos de nais e fillas do mundo, fotos bonitas para coñecer outras realidades do sexo feminino neste, o noso universo . 

-http://elpais.com/elpais/2014/03/07/album/1394196353_624381.html#1394196353_624381_1394197179

- Obra gráfica extraída de distintas fontes.

Día Internacional para a Eliminación da Violencia contra a Muller- 2013

 Francisco de Goya: Muller maltratada cun bastón, 1796-97

Non é un fenomeno novo

 Un ano máis, este 25 de novembro celebrouse o Día Internacional para a Eliminación da Violencia contra a Muller, terrible lacra que só en España durante este ano cobrouse a vida de 45 mulleres.

No IES San Paio de Tui animouse aos alumnos de 1º de ESO por parte dos seminarios de Plástica e Lingua Española a facer un traballo a través do cal recordábase dun xeito simbólico as mulleres asasinadas e líanse textos alusivos a esa violencia exercida contra as mulleres só polo feito de selo. A educación dos rapaces fronte a estas agresións e a súa concienciación son básicas para tentar erradicar esta terrible situación no futuro.

Enterremos a violencia de xénero from tudense

Epitafios contra a violencia de xénero from tudense

Vía Pedra do Acordo 

O Anxo do Gueto de Varsovia: Irene Sendler

Hoxe conmemórase o Día Internacional da Muller que recoñece toda a loita que durante séculos, fixeron mulleres que loitaron soas por conseguir un lugar propio na sociedade rompendo co aquelo que lles era imposto polo seu sexo. O lema escollido para este ano é: "Unha promesa é unha promesa: momento de pasar á acción para acabar coa violencia contra as mulleres". Sen embargo, eu non vou a falar da violencia, que a hai, e moita hacia nós. Eu quero falar doutra cousa.

 O 1 de setembro de 1939 Hitler invadía Polonia e con esa acción facía estourar a II Guerra Mundial. Se o cito é porque ten moito que ver co que vós vou a contar e xa o veredes se seguides lendo.

Vendedor de xornais: Hitler invade Polonia

O equipo de orientación e dinamización do IES Antonio Fraguas Fraguas de Santiago de Compostela ven de poñer en acción estes días unha enquisa entre todos os alumnos do instituto que trataba de escoller o nome dunha muller cuxo labor fora importante no eido da consecución de liberdades e dereitos para as mulleres, para dar o seu nome a un espacio do Instituto. 

Unha das propostas era Clara Campoamor que tivo, no contexto da II República española ( 1931-36), un enfrontamento dialéctico con Victoria Kent ( ambas deputadas) sobre si a muller podía ou estaba preparada para votar. A muller non estaba preparada para iso según Kent, xa que votaría, non libremente, senón o que lle dixera o seu home ou o cura. Finalmente gañou a proposta de Campoamor e a muller española puido votar por primeira vez, en pe de igualdade co home.

Clara Campoamor

Victoria Kent

Ademáis a Clara Campoamor se lle deben a escritura de multitude de libros, un dos cales fai referencia a outra muller grande, aínda que cuxa traxectoria tivo lugar noutro lugar e noutro tempo máis lonxano: Sor Juana Inés de la Cruz, unha muller maravillosa que renunciou á súa liberdade ingresando nun convento para poder leer, estudiar e escribir que era o que verdadeiramente quería algo que lle estaba vedado, a ela e a todas, xa que o seu destino era casar e ter fillos e nada máis. Falamos do século XVII. 

Miguel Cabrera: Retrato de Sor Juana Inés de la Cruz.

A outra proposta era Clara Zetkin, política comunista alemana que, na primeira década do século XX, loitou tamén para que as mulleres acadasen o sufraxio. Grazas a ela proclamouse o 8 de marzo, tal día coma hoxe, como o día Internacional da Muller Traballadora.

Clara Zetkin

A última proposta, aínda que se deixaba aberta aos alumnos suxerir unha algunha outra muller que tivera feito algo especial polo colectivo, é a que creo que gaña por goleada. Estou escribindo esto sen saber si é así pero nas miñas clases foi claro.

Foi Irene Sendler, a chamada " O anxo do gueto de Varsovia". Por iso comecei esta entrada falando do comezo da II Guerra Mundial. Sendler era enfermeira. Era católica e foi unha resistente frente aos nazis.

Irene Sendler de xoven

Ela soa foi quen de salvar como puido e arriscando a súa vida a 2.500 rapaces e rapazas xudeus dun futuro seguro: terminar nos campos de concentración, fundamentalmente, en Treblinka.

Cartel del Holocausto de Treblinka

Fíxoo de mil formas: meteunos en caixas de ferramentas, en sacos de patacas, en ataúdes...calqueira maneira era boa para poder salvalos. As novas identidades dos rapaces eran escritos e colocados en botes que serían enterrados baixo unha árbore do xardín da súa casa.

Rapaces no gueto de Varsovia

Levaba colocada no seu brazo a estrela amarela que identificaba aos xudeos para pasar inadvertida no gueto.  

A estrela amarela que marcaba aos xudeos

Morreu fai moi pouco, no 2008 xa moi anciá, con 98 anos. O Estado de Israel deulle o recoñecemento de "Xusta entre as Nacións", recibido por todos aqueles, que non sendo xudeos ( xentiles), axudaronlles a sobrevivir dun réxime demencial do que coñecedes moitas cousas, desgraciadamente, arriscando a súa propia vida. E digo, desgraciadamente, porque ogallá nunca as páxinas da Historia relatasen algo como o que ocorreu.

O Gueto

Sendler foi descuberta polos nazis, torturada ( nunca falou) e condeada a morte pero os resistentes polacos rescatárona do patíbulo. A súa historia foi dada a coñecer máis tarde por estudiantes americanos. Quísoselle conceder o Premio Nobel da Paz en 2007 pero non o recibiu.

Non importa. O que importa é que se coñeza e recoñeza,  por vós, por exemplo, o seu labor e a súa coraxe.

Irene Sendler pouco antes de morrer